تبلیغات
یوردوم قره بـاغ - مطالب شعر
وب سایت خبری یوردوم قره بـاغ
تاریخ : 22 اردیبهشت 92
نویسنده : فرهاد مومن قره بـاغ

 

چوخ کئچمیشم بو داغلاردان،


دورنا گوزلو بولاغلاردان،

آیریلارمی کونول جاندان؟

آذربایجان! آذربایجان!

یاشا،یاشا،آذربایجان!

آی آنام –آذربایجان!

ائل بیلیر کی سن منیمسن،

یوردوم،یووام،مسکنیمسن،

آنام،دوغما وطنیمسن

آذربایجان!آذربایجان!

یاشا،یاشا،آذربایجان!

آی آنام –آذربایجان!

داغلارینین باشی قاردیر

آغ اورپگی بولودلاردیر

اوغلون،قیزین بختیاردیر

آذربایجان! آذربایجان!

یاشا،یاشا،آذربایجان!

آی آنام –آذربایجان!

 

 

با تشکر از آقای روح الله ستوده قره باغ جهت ارسال این شعر زیبا




موضوعات مرتبط: شعر ,
برچسب‌ها: روستای قره باغ , ارومیه , آذربایجانغربی ,
تاریخ : 19 دی 91
نویسنده : فرهاد مومن قره بـاغ

یاد ایدیرم کندیمیزین داغلارین /کوچه لرین باغچه لرین باغلارون/ گورم سنی آغ گونلره چخاسان/ نامرد اولان دشمنلری یخاسان/ زندگانلوخ چتین گلدی خلقینه/ سو توکمدی، نا خوشلارین حلقینه/ اون آلتی شهید سنین باشون اوجاتدی/ ننه لرین جوانلیقدا قوجاتدی/ آنا یوردوم سنین آدین اوجالسین/ جوانلارین ایگیتلرین قوجالسین




موضوعات مرتبط: شعر ,
برچسب‌ها: روستای قره باغ , ارومیه , آذربایجانفربی ,
تاریخ : 21 شهریور 90
نویسنده : فرهاد مومن قره بـاغ

کندیمیز

بایرام اؤلوب پنجره نی آچگینن

بزه نیبدیر گور نئجه کندیمیز

کپنک تک گوللر اوسته اوچگینن

بزه نیبدیر گور نئجه کندیمیز

***** ***** *****

چن دومانلی دیر اوجا داغلاری

گول چیچک له دولوب باغلاری

اوتوب قیشی گلیب گوللو باهاری

گزمه لی دیر ایندی منجه کندیمیز

***** ***** *****

یاغیش یاغیب گوللر اوستو شئهلی دیر

قوخولو  باغلاری   ایچیب   کئفلی دیر

قوجا  کم کی   اوجا باشی مئهلی دیر

اوجادیر کم کی تک اوجا کندیمیز

***** ***** *****

باشلانیب کندیمیزده گل گئتمه لر

ارئیب قار، کوچه لرده لئهمه لر

اولدوز درگینن  بیاض گئجه لر

آی لی اولدوزلودور گئجه کندیمیز

***** ***** *****

گنجه  یایلیغی  قیزین  باشیندا

سورمه  گوزونده  وسمه قاشیندا

من ( حیدر ) ی قیرخ بئش یاشیندا

گئتیریب شوقه گؤر نئجه کندیمیز





موضوعات مرتبط: شعر ,
برچسب‌ها: روستای قره باغ , ارومیه , آذربایجانغربی ,
تاریخ : 14 خرداد 90
نویسنده : روستای قره بـاغ

سلام

باهار چاغی یوردوم آذربایجاندا

یاغمور یاغیب آخان سئل لره سلام

یاشیل یایلالاردا، یاشیل باغلاردا

الوان غنچه لره، گول لره سلام

یاشاسین یوردومون تورک عاشق لری

تورکی شاعرلری تورک آشیقلاری

تویلاردا، بایرامدا تورک آشیقلاری

سینه، سازینا، تئل لره سلام

افتخار  ایلرم یوردوم ایرانا

دوغما وطنیمه، آذربایجانا

تورک اوغلیام هر واخت مرد-مردانا

او تورکی دانیشان دیل لره سلام

یئتمیش بابام کندلی من ده کندلی یم

باشیم عرشه یتسه من ده کندلی یم

آذربایجانلیام من ده کندلی یم

بو آذربایجانلی ائل لره سلام

ده ده کاتب دیندیر سه لر جوشارام

جوشغون سئل تک دالغا ووروب داشارام

کندده دوغولموشام کندده یاشارام

کندده زحمت چکن ائل لره سلام

 




موضوعات مرتبط: شعر ,
برچسب‌ها: روستای قره باغ , ارومیه , آذربایجان غربی ,
تاریخ : 21 دی 89
نویسنده : روستای قره بـاغ

کندیمیز

منیم باخیشیمدا بوتون دونیادا

گؤزللر ایچنده تكدی كندیمیز

آنا یوردوم، آتا بابا دییاریم

اوره ییمده كی ایستكدی كندیمیز

داغلاری سویوقدور قانلاری ایستی

بولاقلاری قایناق دومانی توستی

طبیعتی گؤزل چوخ دا توریستی

اورك آچان گول چیچكدی كندیمیز

گونش ساری تئلین سرر گونئیده

چوبان بو سؤزلری اوخویار نئیده

دوغمالار دا كؤچدو گئتدی اؤگئی ده

كؤچمه لردن نه لر چكدی كندیمیز

بیزه یول گؤرسه دیر كئچنلر ایزی

دانناق ـ دانناق ائدیر او ایزلر بیزی

زرغانلی شؤهرت اولدو تبریزی

ایندی اوغولسوزدو تكدی كندیمیز

قبیرلر بَزندی ائولر بوشالدی

گدیكلر باشینی باش بایقوش آلدی

بو سیزقین یئل نه یاتدی نه خوشالدی

تالان اولونموش فدكدی كندیمیز

باش گونئیده جوتی غرق اولموش كرگه

یولا سالیب ائللری جرگه ـ جرگه

گؤردویون دانماسا هر اؤزوم اؤزگه

سوستالمایان قول بیلكدی كندیمیز

داغلاری اوجادی دوزلری ائننی

یئللر لای لاییدیر تورپاغی ننی

اگر تعریف ائتسكده سننی مننی

تعریفه گلمه یه جكدی كندیمیز




موضوعات مرتبط: شعر ,
آخرین مطالب
   
3:43 PM 8/18/2012